علمتني يابوي معنى السعاده ..

لقد كنت مرشدي، مُلقني ، و قوتي.
لقد تلونتْ أعمق أيام الصغر من خلالك.
عندما كنتُ صبياً هل تتذكر؟ .. و عندما عُدنا إلي البيت في المساء .. حملتني على أكتافك .. كانت أكتافك بمثابة سفينه .. شعرتُ بخدودك الخشنه تحت راحت يديّ .. حيث كان يمكنني أن أمّد يديّ إلى أعلى .. و أنتزع النجوم المعلّقه ..

لقد أحبّني و إشتاق لي .. حتى قبل أن أُولد .. و علمني أن أُحبَ الكتب .. و أقودَ دراجتي .. و التقطَ لي صوره في يومي الأول .. و إعتنى بي حين كنتُ مريضا .. و لم ينتقد أبداً ذوقي في المستوى أو الموضه .. أحتمل مجهوداتي الصاخبة .. أراحني عندما فشلتُ في تجاربي .. إن أعز آمالي،أن يكون لأطفالي نفس ذكرياتي هذه .. في يومٍ ما.

لماذا نستمر في التمني له طوال حياتنا لو كنا نقول إننا لا نحتاج موافقته حقاً؟ ..

الأب لا يتذكره أطفاله كما يتذكره الآخرون .. إنهم يكنزون أشياءً بسيطه، أشياء سخيفه .. نسيج يديه .. شكل أضافره .. "الصلعه" الموجوده على قمة رأسه .. التجاعيد حول عينيه .. قدمه العظميه .. كل هذه الأشياء الثمينه.

الكلمات التي ينطقها أبٌ إلى أطفاله داخل خصوصية البيت لا يسمعها العالم الخارجي، لكنها كما في حالات الهمس تُسمع بوضوحٍ في النهايه من قبل جميع الأجيال القادمه.

كلمات الأب لها تأثير جليل .. التعبيرات المنطلقة من صوته يمكنها أن تُحرك إتجاهاً كاملاً من اتجاهات الحياة.

حول العالم يتمشى الآباء .. بخطوات بطيئة .. حيث أيادي أطفالهم الصغيره تتماسك بشده في أياديهم .. يشعرون بالسلام لفترةٍ وجيزه .. بعيداً عن صدام الفقر و الحرب.

مُرشدي،رفيقي،مُعلمي،نصيري،مُدافعي، و الأكثر دائماً أقرب و أضمن أصدقائي .. أحياناً ما نختلف معاً حول بعض التوافه، لكننا نعرف دائماً في قلوبنا إنه لا شيء يمكنه أن يغيّر أبداً مشاعرنا المتبادله فيما بيننا، و في حالتي الشخصيه أجده الصخره التي أستطيع أن أحتمي فيها دائما.

الأب هو الإنسان الوحيد الذي سوف يستقيظ في الثالثه صباحاً كي يُهيئ لك هديتك، ويكون مستعداً حينما تستيقظ من نومك، يأخذك إلى الشاطئ، و يأكل الطعام التي توجد فيها حبات الرمال .. فقط لأنك قمت بإعدادها، و هو الإنسان الوحيد الذي يجلس على كرسي صغير بينما قدماه مترفعه في مستوى ذقنه حتى يلعب أحد الألعاب.

حب الأب ...
دافئ .. في يوم الشتاء ..
رقيق .. عندما تسوء الأوقات ..
مُفرحٌ .. حينما أشعر بالكآبة ..
ثابتٌ .. عندما أكون مُتزعزعة ..
حب الأب؟ كل ما أحتاجه من الأشياء ..

الأباء .. هم أُناس مرحون .. إنهم يهتمون بك .. و يساندوك في كل ما تقوم به .. أسأل الله أن يطيل في أعمار أبآئنا و لا يحرمنا منهم ..

إختكم /قبندي ..

صديقة الطفوله

صديقة الطفوله إهي إللي ينقال لها إختي ما ينقالها الصديقه ..

-كلنا عندنا هذيك الصديقه إللي كل البلاوي إللي سويتيها بحياتج معاها .. اهي إللي كل ما قلتي سالفه حق أحد  تكملها عشان تنرفزج و بعدين تنطرج تتنرفزين و تضغطج .. اهي إللي عارفتلج، تعرف شلون تساحلج تعرف شلون تغير مزاجج بدقيقه .. اهي إللي تدل بيتكم بس مو حافظه العنوان .. اهي إللي حافظتج عدل من نظرتج تعرف شفيج .. اهي اللي تدق عليج بنص الليل عشان تقولج سالفه و إنتي دايخه بعدين تشتطين معاها و تكملون سوالف لين تطلع الشمس، و لي ييتي تسكرينه تقولج أخيراً بفتك من حنتج على غشمره بدال ما تقولج مع السلامه .. الصديقه الحقيقيه إهي إللي أهلج يعدونها وحده منهم و فيهم .. إهي اللي امج لا سوتّ المجبوس ولا البرياني إللي تحبه تقولج إتصلي على فلانه خل تيي مسويتلها ذيك الأكله إللي تحبها .. إهي إللي لازم لازم ما يمر يوم بدون ما تشوفينها .. إهي إللي لازم كل طلعه تطلعينها تكون فيها معاج .. إهي الوحيده إللي من بين صديقاتج إللي شايفتج بهلاقتج و بكشتج .. إهي إللي كل طلعة شاليه تكون موجوده .. إهي إللي نص ثيابج بكبتها و نص ثيابها بكبتج .. إهي إللي 24 ساعه تكون معاج عالخط .. إهي إللي تدري أي نوع شامبو تستخدمين .. إهي إللي تعرفج أكثر منج .. إهي إللي كل ما بتسوين شي تروحين تشاورينها .. إهي إللي تقولين لها لو أموت شتسوي؟ تقعد تضحك تقولج من صجك؟ بعيّد راح أسوي عرس .. إهي إللي فاهمتج .. إهي إللي تنطبق عليها أول مقطع من إغنية يا فاهمني .. إهي إللي لا قلتي لها جظمثكيتهف؟ تقولج يلا فووقه .. إهي إللي فجأه تدق عليج تقولج طلعيلي برّه يايبتلج بلعه .. إهي الإنسانه الوحيده إللي على وجه الأرض لا شفتيها ما تسلمين عليها .. إهي إللي لا تضايقتي تتضايق معاج .. إهي إللي لا إستانستي تتستانس معاج لو شنو كانت ظروفها .. إهي الوحيده إللي تقدرين تحشين بالناس معاها بالنظرات حتى لو المحشوش به بينكم .. إهي إللي كل صورّج معاها، و إذا مو معاها تكون إهي إللي مصورتج .. إهي إللي لي زفّتي بالإمتحان عادي جداً إنها تعطيج طراق يفر راسج عشان تشدين حيلج بالإمتحانات اليايه .. إهي إللي كل شي ممنوع تسوينه من دون لا تشاورينها .. إهي إللي على طول تهددج بصورّج .. إهي إللي تتناجرين معاها خمس دقايق إنتو متصالحين .. إهي إللي ما تقدرين تعيشين بدونها .. إهي إللي إنتي بدونها ضايعه .. إهي أغلى شي بحياتج .. إهي إللي تخافين تخسرينها .. إهي إللي لا سافرت و ما شغلت الخدمه تحسن مادري شلون .. إهي إللي أيام الإبتدائي لا طقوج يت و دافعت عنج .. إهي إللي لا صار ما عندج فلوس تدفعلج .. إهي إللي حافظه مقاس جوتيج و إنتو بكرامه .. إهي إللي إنتي حاطه صورتج إنتي معاها خلفية تلفونج .. إهي إللي جد حياتج ما تسوى بدونها .. إهي إللي لا صرتوا بين ناس طالعتوا بعض و ضحكتوا و خليتوا العموم يشك بنفسك .. إهي إللي لا شافوكم الناس عبالهم إنكم حبايب .. 

أكيد يوم قريتي طرتّ على بالج هذيك الصديقه صح؟ و قعدتي تتذكرين أشياء سويتوها مع بعض و ضحكتي .. الله يخلي كل صديقه لصديقتها ولا يحرمكم من بعض♡♡ 

 *إختكم/قبندي.